من نحن

«نجوم السهرة» موقع ألعاب جماعية عربية للسهرات والجمعات والعزايم. الفكرة بسيطة: شاشة وحدة للكل (تلفزيون أو لابتوب) أو بدونها، وكل واحد بيلعب من جواله، بدون تنزيل تطبيق وبدون تسجيل حساب، ومجاناً بالكامل.

شو الألعاب الموجودة؟

• لعبة المافيا: المافيا ضد المدينة، والأدوار بتوصل سرّاً لجوال كل لاعب.
• لعبة الدخيل (برا السالفة): الكل بيعرف الكلمة إلا واحد، وبالتلميحات بتكشفوه.
• سؤال وجواب (سين جيم): الفريق الأحمر ضد الأزرق، والجواب من راسك.
• ارسم وخمّن: واحد بيرسم على جواله، والباقي بيخمّنوا.
• تحدي الثلاثين: مبارزة بين اثنين بخمس فقرات، والحكم بيصحّح من جواله.
• لعبة التخمين: مع كل واحد شي سرّي، وبالأسئلة بتحزروا شو مع بعض.

ليش عملنا الموقع؟

بسهراتنا دايماً في حدا بدّه يلعب «مين الكذّاب» أو «سين جيم»، بس الورق بيضيع، والراوي بيتعب، والحسابات بتتلخبط. عملنا نجوم السهرة عشان كل هالألعاب تكون جاهزة بضغطة: الموقع بيوزّع الأدوار والكلمات، وبيحسب النقاط، وبيحكي القصة، وإنتو بس بتضحكوا.

كيف بنحافظ على الخصوصية؟

ما بنطلب إيميل ولا رقم تلفون ولا تسجيل. الأسماء اللي بتكتبوها بالغرفة بتنمسح لما تخلص الغرفة، وكل التفاصيل بصفحة سياسة الخصوصية.

تواصلوا معنا

عندكم اقتراح، أو لقيتوا سؤال غلط، أو بدكم تعاون؟ ابعتولنا من صفحة تواصل معنا، وبنقرأ كل رسالة.